ताप्लेजुङको सडक मा रोपाइ।
By: ब्रोड नेपाल न्युज (बी एन एन)
ताप्लेजुङ| श्रावण २२|
कालोपत्रे गरेको दुई वर्षमै भत्किएर हिलाम्मे भएको सडक मर्मतमा सडक कार्यालयले बेवास्ता गरेको भन्दै शुक्रबार सदरमुकाम फुङलिङका बासिन्दाले सडकमै रोपाई गरेका छन् ।
स्वतस्फूर्त रुपमा भेला भएका सदरमुकामबासीले नाङखोल्याङ गाविसबाट धानको बिउ लगेर रोपाई गरेका हुन् । रोपाई गर्नुअघि उनीहरुले नगरपालिका कार्यालय मार्फत प्रमुख जिल्ला अधिकारी डमरुप्रसाद निरौलालाई ज्ञापन पत्र बुझाएका थिए । धेरैपटक अनुरोध गर्दा पनि बेवास्ता गरिएको र सडककै कारण सदरमुकाम हो भन्न पनि नसुहाउने भएकाले विरोधमा रोपाईं गरिएको उनीहरुलेब ताए ।
अझै बेवास्ता गरिए कडा आन्दोलनका कार्यक्रम गर्न बाध्य हुने ज्ञापनपत्रमा उल्लेख गरिएको छ । एसियाली बिकास बैंकको सहयोगमा दुई वर्षअघि कालोपत्रे गरिएको सदरमुकाम भित्रको सडक मेची राजमार्ग अन्तर्गत पर्छ ।Source KMG
0 comments:
Post a Comment