उद्घोषण तालिम सुरु

उद्घोषण तालिम सुरु
by बिराट नगर News
उर्लाबारी÷नेपाली काङ्ग्रेस निकट नेपाल महिला संघको आयोजनामा बिहीबारदेखि मोरङको उर्लाबारीमा महिलाहरुका लागि तीन दिने उद्घोषण तालिम सुरु भएको छ । महिलाको क्षमता अभिबृद्धिका लागि तालिम सञ्चालन गरिएको हो ।
तालिममा महिला संघको नगर र वडा समितिका पदाधिकारीसहित ४५ जनाको सहभागिता रहेको आयोजकले जनाएको छ । संघकी नगर समिति सभापति भागिरथा अधिकारीको अध्यक्षतामा भएको तालिममा काङ्ग्रेस महासमिति सदस्य शोभा चेम्जोङ पालुङ्वाले सहजीकरण गरेकी छन् ।