हिन्दुराष्ट्र नेपालको समर्थन जुटाउन सुनसरीका विभिन्न स्थानमा कार्यक्रम

हिन्दुराष्ट्र नेपालको समर्थन जुटाउन सुनसरीका विभिन्न स्थानमा कार्यक्रम
by बी एन एन|बिराटनगर असार २९|सनातन हिन्दुराष्ट्र नेपाल जागरण अभियान मोरङले हिन्दुराष्ट्र नेपालको समर्थन जुटाउन सुनसरीका विभिन्न स्थानमा कार्यक्रम आयोजना गरेको छ । सुनसरीको दुहवी र सोनापुरमा जागरण अभियानले छुट्टछुट्टै कार्यक्रमको आयोजना गरेको छ । श्रावण दुईगते हिन्दुराष्ट्रको समर्थनमा विराटनगरमा हुनलागीरहेको वृहत आभसभामा सहभागीको संख्या वढाउने उदेश्यले कार्यक्रमहरु शसक्त वनाउदै लगीएको आयोजक समितिले जनाएको छ । हिन्दु जागरण अभियान अन्तरगत दुहवीमा अनन्त चौधरीको अध्यक्षतामा २१ सदस्यीय समिति र सोनापुरमा प्रपन्न दाहालको संयोजकत्वमा ३१ सदस्यिय संघर्ष समिति गठन गरिएको आयोजक समितिका सदस्य श्याम पौडेलले जानकारी दिनु भयो । कार्यक्रममा सनातन हिन्दुराष्ट्र अभियानका संयोजक तिलक रिजाल,समाजसेवी किशोर अटल र रतन चौधरी लगाएतका वक्ताहरुले हिन्दुराष्ट्र अभियानमा जुट्न आग्रह गरेका थिए ।