बिराटनगर चाँदनी चोक स्थित पुस्तकालयमा डोजर चल्यो
by बी एन एन'विराटनगर, २८ असार : स्थानीयको विरोधका बाबजुद विराटनगर उपमहानगरपालिकाले विराटनगर–६ चाँदनी चौकमा अवस्थित शिरोमणी पुस्तकालय सोमबार भत्काएको छ । सडक साँघुरो भएको भन्दै २०४५ सालमा निर्मित शिरोमणि पुस्तकालय उपमहानगरपालिकाले डोजर लगाएर भत्काएको हो । स्थानीयले पटक–पटक नभत्काउन अनुरोध गरे पनि उपमहानगरपालिकाले सडक विस्तार गर्ने भन्दै भत्काएको उनीहरुले बताएका छन् । उनीहरुले तत्काल शिरोमणि पुस्तकालय भएको स्थानमा मन्दिर बनाउन पनि माग गरेका छन् । यता विराटनगर उपमहानगरपालिकाका इन्जिनियर अनिल सिंहले भने विकास निर्माण र सडक फराकिलो बनाउने अभियानअनुरुप शिरोमणि पुस्तकालय भत्काएको बताउनुभयो । स्थानीयको मागअनुसार सो ठाउँमा रमणीय फाउन्टेन पार्क बनाउने योजना रहेको उहाँले बताउनुभयो । शिरोमणि पुस्तकालय भत्काउँदा नगररक्षक, प्रहरी प्रशासन, स्थानीय र उपमहानगका कर्मचारीहरुको सहभागिता थियो ।
0 comments:
Post a Comment