सप्तकोशीको पक्की पुलमा गाडी गुड्यो (फोटो फिचर)
by :बी एन एन|
२०७२ साउन १८ सोमबार
फोटो :सप्तकोशीमा पक्की पुल उद्घाटनका क्रममा बोल्दै प्रम कोइराला । तस्बिर : रत्नप्रसाद आचार्य
चतरामा पक्की पुलको प्रधानमन्त्रीबाट उद्घाटन
धरान : प्रधानमन्त्री सुशील कोइरालाले सुनसरी र उदयपुरलाई जोड्ने सप्तकोसी नदीमा निर्मित पक्की पुलको सोमबार उद्घाटन गरेका छन् ।
भारतीय सिमानजिक भीमनगरमा रहेको पुलको विकल्पमा निर्मित यो पुलमा उद्घाटनसँगै यातायातका साधन गुड्न थालेका छन् र
धरान–चतरा–गाईघाट–कटारी–सिन्धुली–हेटौँडा सडक खण्डअन्तर्गत उदयपुरको मैनामैनी गाविस र सुनसरीको बराहक्षेत्र गाविसको बीचमा उक्त पुल निर्माण गरिएको हो ।
एसियाली विकास बैंक (एडिबी) को अनुदान तथा नेपाल सरकारको संयुक्त लगानी भएको उक्त पुल ७६ करोड ११ लाख १३ हजार ५०१ मा तयार भएको हो ।
बाढीजन्य क्षति पुनःनिर्माण आयोजनाअन्तर्गत निर्मित उक्त पुलमा एडिबीको ६० र नेपाल सरकारको ४० प्रतिशत लगानी भएको छ ।
दुई सय ६१.३ मिटर लामो र १०.५ मिटर चौडा उक्त पुल पाँच वर्षअघि निर्माण थाली निर्धारित समयमै पूरा भएको हो ।
Source AP
0 comments:
Post a Comment