राजनीतिक खिचातानीका कारण अस्पतालको सेवा प्रभावित

by बी एन एन
विरमटनगर ८ भदौ । मोरङको रंगेलीस्थित जिल्ला अस्पतालमा राजनीतिक खिचातानीका कारण विकास समिति गठन नहुँदा अस्पतालको सेवा प्रभावित भएको छ । विकास समितिको म्याद गत फागुन महिनामा सकिए पनि अस्पताल व्यवस्थापन समितिको अध्यक्ष पाउने राजनीतिक दलबीच कसलाई अध्यष बनाउने विषयमा कुरा नमिल्दा अस्पतालको सेवा प्रभावित भएको हो । विकास समिति नहुँदा अस्पताललाई औषधि खरिद तथा अस्पताल व्यवस्थापनमा समेत समस्या भएको छ । अस्पताल व्यवस्थापन समितिको अध्यक्ष एमालेको भागमा रहेता पनि पठाउन नसक्दा समिति गठनमा समस्या भएको स्थानीयवासीले बताउँछन् ।