तिर्थ गर्न गएका बिराटनगरका एक युवक लुटिए

तिर्थ गर्न गएका बिराटनगरका एक युवक लुटिए
by ब्रोड नेपाल न्युज (बी एन एन)

बिराटनगर, २४ साउन ।

तिर्थ गर्न गएका बिराटनगरका एक युवक लुटिएका छन् । उनी लुटिएका मात्र होइन मृत्युको मुखबाट बचेर आएका छन् । बिराटनगर–३ डिएसपी रोडका उमेश कामत साउन १५ गते शुक्रबार बोलबमतर्पm ५÷७ साथीभाईसंगै निस्किएका थिए । आइतबार साथीभाई संगै सुल्तानगंजबाट जल उठाएर पैदल हिंडेका उनी ७÷८ किलोमिटर पार गरेपछि सुई पहाडमा लुडिएका हुन् । उनी सुल्तानगंजबाट केही पर पुगेपछि साथी भाई पनि छुटे । संगै हिंडेका अन्य अपरिजितसंगै हिंडेका उनी सुई पहाड पुगेपछि आइतबार सा“झ ७ बजेतिर लुटिए । उनीहरुले कामतलाई जंगलतर्पm लगेर बेहोस बनाएर लुटपाट गरे । करिव ८÷१० जनाको समूहमा रहेका व्यक्तिहरुले लुटपाटका क्रममा कुटपिट गर्नुका साथै हात खुट्टा बा“धेर लडाएको उनका दाजु दिनेश कामतले बताउनु भयो । लुटेराहरुले उनीसंग रहेको ५÷७ हजार नगद, मोवाइल सेट पनि लगेका छन् । कामतको हात, खुट्टालगायत शरिरका विभिन्न भागमा चोटपटक लागेको छ । लुटेराहरुले बोलबमको पंहेलो बस्त्र च्यातिदिएर पुरानो च्यातिएको कपडा लगाईदिएका थिए । साथै नजिक १५ रुपैंया भारतीय रुपैंया पनि छाडिदिएका थिए । उनलाई च्यातिएको लुगा लगाएको देखेर बसलेसमेत यात्रा गर्न नदिएको दाजु दिनेशले बताएका छन् । उनका अनुसार आ“खामा सुई हानेर दुई दिनसम्म बेहोस अवस्थामा जंगलमा रहेको भाई त्यहि १५ रुपैंया दिएर जसोतसो साउन २१ गते जोगवनी आए । बिराटनगर आएपश्चात उनलाई गोल्डेन अस्पतालमा उपचार गरिएको थियो । चिकित्सकहरुले दुई महिना आराम गर्न कामतलाई सल्लाह दिएका छन् ।